الأحد، 31 يناير 2010

الودع



بيوشوش الودع
ويسألك عني
مكاني من ضلي
مفتون بالحسن لكنى مش طايل
بريق سرابك بيضوي
بيخفي
بيرهق عيوني
انا ف الودع مش ببان
انا مش جنى ومش انسان
انا روح ومليش طموح
الهرب جوايا مش مسموح
بأمل ف الوفا
بأمل ف الدفا
معاكي مع حد غيرك
أيديا مش بتبوح
خطوط الكف بتخبي
وتبين اللي مش ملموح
سرك جوايا
يتقابل ويكتمل
ينعكس وينرسم
يتهمس و يتحكي
ويرجعلي ينقسم
يرجع للبداية
اكنه مكانش معايا
ف الودع
بجرب احساس الفضول
حاجة موافق عليها
بس غير القبول
حاجات لسه مش موجودة
في خطوط ايديا
متموجة مع الكرمشة
مكشوف عنها ف الجبين
باينة ف نني العين
تبان ف بعدي عنك تبان ف قربي منك
تختفي ف الوصول
ضي مناديلك وردي
بس رمي بياضي مش ليكي
ف الودع
نصيبي اكون شيء مقتول

محمد عطية
31/01/2010

هناك تعليق واحد:

  1. سعدت جدا بمستوى المدونة الراقى شكلا ومضمونا
    الى الامام دايما\تحياتى واعجابى الشديد

    ردحذف