الأحد، 7 أغسطس، 2011

تقرير معرض الكتاب 2011




by Mohamed Ateaa on Sunday, August 7, 2011 at 9:26am ·
المكان : فيصل الجيزة – في ارض المعارض بجوار المطاحن
الوقت : من 11 الصبح حتي 5 مساء و بعد الفطار من 10 حتى 1
العارضين : ما يقرب من 5% من العارضين الاساسيين في معرض يناير
أهم الاماكن :
اولا – هيئة مكتبة الاسرة :
الاسعار عليها خصم 20 % اذا كانت مكتبة الاسرة واي كتاب اخري معروضة خصمها 10% يمكنك ان تجد هناك الاعمال الكاملة لديستوفسكي بالكامل – كل اعمال مكتبة الاسرة في السنوات الماضية – 20 كتاب ب خمسة جنيه اوعي تفكر تشتريها – لو ميزانيتك مش جامدة اوي يكفي الجزء ده حوالي 50 ج هتتطلع متظبط جدا.
ثانيا – المركز القومي للترجمة :
الاسعار عليها خصم 30% لغير الطلبة اما الطلبة خصمهم 50% - مكانهم اخر المعرض بيدير المكان واحد اسمه ابرام محترم اوي هناك هتلاقي كتب لكل الناس اللي بتسمع عنهم و باسعار خيالية فعلا.
ملحوظة : في المكان ده هتلاق مجموعة قصصية هبه خميس الفائزة باحسن مجموعة قصصية في الاسكندرية عام 2011 يا ريت تفوف تاخدها و هتدعيلي .
ثالثا – دار كيان:
معندهمش خصومات جامدة بس هتلاقي جديد د نبيل فاروق و د تامر احمد و شوية روايات مطرقعة – و ديه بقي في نص المعرض ع ايدك الشمال .
رابعا – دار ليلي :
كل الكتب اللي اعلن عنها لد احمد خالد توفيق هتلاقيها هناك – فقاقيع – الان نفتح الصندوق ..... الخ
خامسا – سور الازبكية :
كتب ب 1 ج – 2 ج – 3 ج (كتب لاحسان ع القدوس و السباعي) – 5 ج عالم المعرفة و كتاب العربي .
سادسا – باقي المكتبات :
كتب اسلامية و تفاسير و احاديث – مصاحف بكل الاحجام – مكانين تلاتة بيبعوا لعب اطفال بسيطة.
أهم الملحوظات :
اولا – صغر المكان – متتفجأش انه صغير جدا لدرجة انك ممكن تلفه كله 6 مرات ف ساعة و نص .
ثانيا – مش محتاج فلوس كتير ليه حسبة 200 او 300 ج هيظبطوك كتب للمعرض الجاي J .
ثالثا – مكانه بعيد شوية بس يستاهل انك تروح ولو مرة .
قائمة الكتب المشتراة :
1-      هارولد بلوم ، كيف نقرأ و لماذا ؟ (40 ج)
2-      اريك اكسيلون ، أشهر الرحلات في جنوب أفريقيا (9ج)
3-      ديفيد فرانسيس ، افريقيا السلم و النزاع (5ج)
4-      محمد كامل حسين ، قرية ظالمة (6ج)
5-      ابراهيم اصلان ، بحيرة المساء (4ج)
6-      عثمان احمد عثمان ، تجربتي (5ج)
7-      مكسيم غوركي ، مولد انسان ، (5ج)
8-      عمرو عبد السميع ، انا و الحبيب
9-      يوسف القعيد ، البيات الشتوي
10-  نعمات البحيري ، العاشقون
11-  سامح الجباس ، حي الافرنج
12-  عبد الحميد جودة السحار ، الحفيد
13-  على احمد باكثير ، سيرة شجاع
14-  محمد جبريل ، صخرة في الانفوشي
15-  زكريا عبد الغني ، حالات الروح
16-  عبد الحكيم العلامي ، الولاء و الولاء المجاور بين التصوف و الشعر (3ج) من سور الازبكية
17-  صبحي فحماوي ، الارملة السوداء (8ج)
18-  توفيق حكيم ، الايدي الناعمة
19-  جرجي زيدان ، غادة كربلاء
20-  مجدي نجيب ، صهد الشتا
21-  اقبال بركة ، الصيد في بحر الاوهام
22-  خيري شلبي ، أنس الحبايب (اجدد كتبه) (7ج)
23-  رأفت الدويري ، كوابيس ليلة دخلة
24-  ميسلون هادي ، الليالي الهادئة
25-  الاسطي حنفي ابو محمود ، مذكرات عربجي
26-  هبه محمود خميس ، من نافذة تطل على الميدان
27-  محمد سالم عبادة ، رقاصة
28-  صفاء عبد المنعم ، في الليل لما خلي
29-  ابراهيم فرغلي ، ابتسامات القديسين
30-  يوسف القعيد ، طرح البحر
31-  حمدي  ابو جليل ، أشياء مطوية بعناية
32-  يوسف القعيد ، قطار الصعيد
33-  خيري شلبي ، عناقيد النور
34-  اهداف سويف ، خارطة الحب

الثلاثاء، 15 مارس، 2011

مستنياك


(1)


من بعيد بصالك وخايفة أوي من قربك


بجبك وشايفاك قصادي


ومنايا أني اضمك


بتنفس هواك من غير ما اقول


ببصلك واحس اني صغيرة


ومش طايلاك


بس مصيري هاطول


يا بختي أني لقيتك


وبحلم أني هويتك


(2)


بحب أوي لما اجي جنبك


واشوفني قصيرة انا قد ايه


واجري جنبك وانت مش شايفني


بحب لما ابص في عنيك


وفي ثواني اشوف حاجة تانية


بتمني اتكلم قوي معاك


بس بشوفك مشغول


بحب اسمعك وانت بتتكلم


بحب اوي لما منك بتعلم


(3)


ورغم اني شوفتك صدفة


وشوفتك مرة او اتنين


بحلم انك سكنت جوة حضني


بحلم انك مسكت ايدي


بس بأدب


واني سهرانة منك طول الليل


وشايفة منك العجب


وانك بتجبلي هدايا واني زعلانة


وبتهديني بورد وانا فرحانة


(4)


بغلط كتير واكلمك وانت مش موجود


بتخيلك معايا وانا بجيب حاجتي


اسألك على الالوان اللي انت بتحبها


واغلط واسالك على الحاجات


اللي معايا انت بتحسها


بسالك شايفني كويسة


وحلوة


بتحبني ساكتة


ولا اغنيلك غنوة


أنت حلمى


اللي نفسي اوي أحققه


مستنياك



م.ع