الأحد، 9 فبراير 2014

اليوم 14

تتم كتابة أغلب الروايات وفقاً لصيغة جاهزة مسبقاً، وخاصةً تلك التي تحقق أفضل المبيعات. على سبيل المثال، جون بالدوين، المؤلف المشارك في رواية الطاعون الحادي عشر: رواية رعب طبي، وضع صيغة بسيطة استعان بها لبناء روايته.
وصيغته المكونة من عشر خطوات هي:
  1. 1.البطل خبير [متخصص في مجالٍ ما].
  2. 2.الشرير خبير [متخصص في مجالٍ ما].
  3. 3.لا بدّ أن نرى كل النذالة والخسة فوف كتف الشرير.
  4. 4.البطل يقف وراءه فريق من الخبراء في مجالات متنوعة.
  5. 5.شخصان أو أكثر من فريقه لا بد أن يطوّروا علاقة حب.
  6. 6.شخصان أو أكثر من فريقه لا بد أن يموتوا.
  7. 7.لا بدّ أن يحوّل الشرير اهتمامه من هدفه الأصلي إلى الفريق نفسه.
  8. 8.لا بدّ أن يظل البطل الخيّر والشرير على قيد الحياة ليتمكنا من الدخول في معركة في التتمة.
  9. 9.لا بدّ من تقديم حالات الموت من وجهة نظر فردية ثم الانطلاق للمجموعة: أي، إياك والقول إن القنبلة انفجرت وصُرع عدد 15 ألف شخص. ابدأ ب “كان جيمي وسوزي يتنزهان في الحديقة العامة مع جدتهما عندما انشقت الأرض.”
  10. 10.إذا عجزت عن التقدم في قصتك، ما عليك إلا أن تقتل شخصاً ما.
هناك المزيد حول الصيغة الجاهزة. حين بدأ إرنست هيمنجواي عمله كمراسل صحافي شاب لجريدة كانساس سيتي ستار، تم تسليمه صفحة بتعليمات الأسلوب عليها أربعة قواعد محددة، وهي:
  • استخدم جملاً قصيرة.
  • استخدم فقرات قصيرة.
  • استخدم لغة حيوية.
  • استخدم صيغ الإثبات، لا النفي أبداً.

وعند سؤال هيمنجواي بعدها بسنوات عن تلك القواعد قال: “كانت تلك هي أفضل قواعد تعلمتها على الإطلاق في مجال الكتابة. ولم أنسها بالمرة. ولا يوجد أحد يمتلك أدنى الموهبة، ويشعر ويكتب بصدق عما يحاول أن يقوله، يمكنه أن يخفق في كتابته إذا ما التزم بتلك القواعد.”

اليوم 13

جهز رزمة من بطاقات الورق المقوى، مقاس 5 × 7، واكتب اسم كل شخصية أعلى البطاقات.  ثم فكر في الدور الذي ستعلبه كل شخصية في قصتك، وما طبيعة هذا الشخص: السن، التعليم، محل الميلاد، وما إذا كان انفعالياً، مرحاً، بديناً، قبيحاً. ما هي سماته الغريبة؟ هل يغسل يديه 500 مرة يومياً؟ هل يسمع أصواتاً في رأسه؟ هل كان من نوعية الأطفال الذين يحبون تعذيب القطط؟ اكتب هذا كله، اكتب كثيراً حتى تتوصل في نهاية الأمر إلى معرفة تلك الشخصيات معرفة حميمة. كان آلفريد هيتشكوك يكتب مشاهده على بطاقات الورق المقوى، كل مشهد على بطاقة. وكان يقول إنه بهذه الطريقة عندما يحين وقت تصوير الفيلم يكون قد صوّره مسبقاً.

ستكون بعض الشخصيات رئيسية، تدور القصة حولهم؛ وآخرون سيلعبون أدواراً ثانوية، ولكن لا غنى عنهم أيضاً، بما أنه لا بدّ من سبب لوجود كل لاعب في اللعبة. إن كان وجودهم في روايتك بلا سبب فسوف يبطئ من تقدم القصة، والبطء يجلب الملل للقاريء.

الجمعة، 7 فبراير 2014

معرض الكتاب 2014

معرض الكتاب 2014
1- أهم الانطباعات :
اولا- المعرض السنة دي مختلف كتير عن معارض السنين اللي فاتت في كتب كتير جدا و في مجالات مختلفة – غالية اه – لكن في خصومات كتير جدا فعلا و كمان كنت حاسس ان الناشرين خلاص بيطلعوا كل اللي عندهم كأنهم عاوزين يلموا الي اتدفع من غير مكاسب خيالية – ده طبعا باستثناء الشروق و كام مكتبة من الكبار – وكمان الناس كنت حاسس انهم حاسين باحساس اللي قدام كنزكبير بس مستخسر يشتري و كمان كان في ناس كتير حالاتهم المادية صعبة السنة دي و انا منهم و ده أثر بكتير علي كميات الكتب المباعة بشكل فعلي .
ثانيا – ملاحظ السنة دي انا تفاوت الاسعار ما بين دور النشر الكبيرة و دور النشر الناشئة او اللي موجودة علي استحياء بقي كبير جدا و مبالغ فيه ده غير ان في فرق اصلا كبير ما بين اسعار دور النشر عامة و مكتبات سور الازبكية فده محيرني و مخليني افكر هو ليه مفيش سقف لسعر الكتب بغض النظر عن مين طبع ؟ و عن مين نشر ؟ ومن الكاتب ؟ حاجة كده تكون محددة عدد الصفحات و نوعية الورق و كيفية الطباعة و مكسب الدار و حقوق المؤلف و يكون ده جدول استرشادي للدور و المطابع و بكده يبقي انا كقاريء و شاري للكتب ابقي عارف انا بدفع ايه و كام و ليه ؟
ثالثا – السنة دي تجار سور الازبكية ماستنوش ان المعرض يخلص زي كل سنة عشان ضرب الكتب المشهورة و الاكثر مبيعا يبدأ بل بدأ من اول اسبوع تقريبا و ده بيدل علي حاجتين اولا رواج النوعية دي من التجارة رغم حرمانيتها بس حط نفسك مكان قاريء غلبان معاه 100 جننيه يشتري بيهم كتاب واحد من اي دار نشر مشهورة و لا يشتري بيهم اكتر من 6 او 7 كتب نسخة شعبية ؟؟ او حتى يقراهم بي دي اف ؟؟ ثانيا غياب اي دور لاي كيان حكومي بيفتش علي الكتب و بيحافظ علي حقوق الناشرين و المؤلفين ؟؟ حكومة مش هنا خالص و اعتقد ان اخر حاجة تقض سرايرهم هي ان الكتب بتضرب و تتباع شعبي ؟؟ مش بقولك ايام بيضا ؟
رابعا – مبسوط كتير من كتب الشباب و الادباء الجدد – بس بقم كتير اوي – اكتر من اني احاول بشكل فردي احصرهم او اعرف هما نازلين فين و مع مين ؟ مفيش كيان كبير يجمعهم و يبلغ الناس ايه اللي نزل وايه اللي ف الطريق و كده اضافة الي ان اي ريفيو بحاول اوصله لكتاب كاتب شاب علي جودريدز فيه مشكلة كبيرة متمثلة انه مش ريفيو للكتاب علي قد ما هو وصف جميل لصاحب الكتاب – الناس بتتعامل مع جودريدز علي انه مراية في محل هدوم لازم كله يطلع حلو فيها J !!
خامسا – لو المعرض السنة كان فرض علي كل دار نشر متقدمة تشارك في المعرض انها تطبع قائمة بكل مطبوعاتها فهيبقي عندك قائمة فيها كميات كتب مش قليلة خالص – وممكن الهيئة العامة للكتاب تحطهم في كتاب اكبر او حتي تبيعهم علي الباب مع التذاكر عشان اهم ما هيبقي في المعرض قائمة باصدرات الدار في كتيب لطيف ترجعه له لما تعوز تشتري كتاب في محال معين – اللي شوفتهم عاملين كده المؤسسة العربية الحديثة في كتيب لاصدارتهم لحد 2014 جميل جدا و مؤسسة النيل العربية و دار العربي للنشر و التوزيع – فين دار الهلال و المعارف و الاهرام و اخبار اليوم و ميريت و الشروق و دور تانية كتير ؟!
سادسا – تفاوت الخصومات كانت حاجة محيراني السنة دي فعلا يعني ممكن تشتري كتاب بسعر 40 ج و يكون عليه خصم و تروح دار تانية تلاقي نفس الكتاب بسعر 30 ج و كان في حاجة ملفتة ان دور النشر اصحاب الكتب الكتاب اللي هما طابعينه خلصان من عندهم او سعر اعلي من دار تانية جمبهم بتوزع ليهم الكتاب اللي هو اصدارهم اصلا ؟؟؟!
2- دليلك الي المعرض (جزء جديد ممكن نحدث فيه كل معرض) :
اولا – متنزلش المعرض مرة واحدة محتاج تنزل مرتين ع الاقل مرة تشوف انت عاوز تشتري ايه و تعرف الاسعار و تعرف الاماكن اللي هي تقريبا ثابتة كل سنة بس برضه تعرف كل حتة في المعرض فين و تعرف الخصومات و تجمع كتيبات المعرض و قوائم دور النشر و الكتب الجديدة .
ثانيا – قبل النزولة التانية تكون عامل قائمة للشراء تكون حاطط فيها الكتب اللي انت عاوزها – ممكن تعملها في شيت اكسيل – و جمبها الاسعار التقريبية للكتب و مكانها و هل عليها خصومات و لا لاء ؟ و بكده تقدر تحدد الميزانية التقريبية اللي هتصرفها في المعرض تقريبا هتبقي كام و كمان عدد الكتب اللي هتشتريها و مجالاتها و اماكنها فتوفر علي نفسك انك تمشي و انت شايل شنط كتبك .
ثالثا – متنزلش لوحدك الا نادرا و متنزلش في جروب كبير – ممكن تنزل مع اتنين اصحابك – بس انا بفضل دايما انزل مع شخص واحد بس و يا سلام لو كانت اهتماتكم مختلفة صدقني ساعتها هتحس ان انت اتنين بتشتري فترشح له الكتب اللي هو بيحبها و هو ييرشحلك الكتب اللي انت بتحبها كده تبقي زيارتين للمعرض في زيارة واحدة – انا نزلت مع محمود ناصف زميلي 4 او 5 معارض قبل كده – و في معرض 2014 نزلنا سوا مرتين في نظري باربع زيارات بسبب كميات و نوعيات الكتب اللي رشحناها لبعض .
رابعا – اقري كويس قبل ما تنزل اهم الخصومات اللي نازلة و خلي سور الازبكية اخر مكان – بالتدريج لو انت مش من اغنياء الفلوس بتوع الشروق – يبقي هتبقي مسيرتك قريبة من مسيراتنا – هتروح الاول مكتبة مصر وبعدها الهلال و دار المعارف و الاهرام و اخبار اليوم و المؤسسة – لو لسه بتابع ما وراء الطبيعة اللي هتخلص السنة الجاية – بعدها هتروح الخيم و تشوف الدور منزلة ايه و مقدمة خصومات ايه .. طبعا هتص ف الشروق للعلم باخر تطورات الاسعار اما عن السعودية و الامارات و المانيا – بص لو انت فاضي – اعتقد انا بروح المعرض من 2001 و مجبتش ولا كتاب من الاماكن ديه مقابل اني قربت علي 1000 كتاب مثلا من الاماكن اللي بقولك عليها دي.
خامسا – خلي اخر زيارة ليك الازبكية – و الافضل تخليه يوم لواحده – السنة دي و السنة اللي فاتت خليت الازبكية يوم لواحده خالص و نجح الموضوع في اني ابقي مستريح من شيل شنط الكتب و كمان عندي وقت انقي و اختار و الف براحتي – دايما متشتريش من اول بياع لف لفة  الاول و اعرف ايه الكتب و فين و خليك مركز مع الناس اللي عندها تفاوت قريب في الاسعار يعني عنده – كتب ب 3 ج – 5ج – 10 ج .. ده هتلاقي كل حاجتك عنده و انت مستريح .
سادسا – متخليش حاجة توقفك – بعد ما تشتري الكتب اللي انت عاوزها لو انت في السور خدلك كتاب ولا اتنين هدية لانك هتدفع له مبلغ مش قليل و خد منه خصم – في اليوم الاخير لوحده هتلاقيه بيخصملك – سور الازبكية كله منافع .
سابعا – متحاولش تاكل اي حاجة خالص من معرض الكتاب ... لان اكله كارف علي ورق و  تراب .
ثامنا – حوش للسنة الجاية مثلا 200-300 ج الاماكن اللي قولتلك عليها نص المبلغ و الهيئة العامة للكتاب و مكتبة الاسرة و سور الازبكية النص التاني مش هترجع باقل من 30-50 كتاب و انت و شطارتك .
3- أهم الاماكن :
اولا-  مكتبة مصر (مؤلفات نجيب محفوظ – يوسف السباعي – يوسف ادريس – محمد عبد الحليم عبد الله  - الف ليلة و ليلة – مؤلفات في الدين : تفسير و قصص انبياء باسعار معقولة )
ثانيا - دار الهلال (روايات – كتب د جلال امين – كتب في السياسة – كتب في التاريخ – النقد – السينما – كتب د جمال حمدان – موسوعة شخصية مصر – اسعار معقول جدا )
ثالثا - دار المعارف (كتب في الجغرافيا  - الفلسفة – الدين – الاجتماعيات)
رابعا - دار ليلي (معظم كتب د احمد خالد توفيق – كتب لدكتور نبيل فاروق – كتب المسلماني التلاتة – كتب مشروع النشر لمن يستحق وهو فيه كتب كتير حلوة منهم كتاب جمال النشار غابات الجميز و كتاب خالد بيومي فانلة داخلية – و كتاب انجي فودة حكايات عن الحب و السفر – وكتب العبد لله : مكتوبات في الغربة و عاوز تتكسي و ديوان طقاطيق اللي قدم له عمنا بهاء جاهين و ابني الجديد حكايات ادريس الونس اللي ان شاء الله تشوفوه طبعته التانية قريب اوي )
خامسا - المركز القومي للترجمة وبيدي خصم 50 % للطلبة
سادسا - سور الازبكية العظيم



4- قائمة الكتب المشتراة (طبعا الجزء ده اهم واحد في الكون مستنيه هو محمود ناصف عشان يقارن و عشان متهمني اني اخدت منه كتابين تلاتة لكن علي مين – مفيش كتب هترجع له اصلا – كمان هتبقي القائمة السنة دي مقسومة جزأين جزء اشترته من المعرض و جزء اهداه ليا صديق مقرب بمثابة اخ جعل الله هديته في ميزان حسناته ) :
اولا – الكتب المشتراة :
1-      دار الشروق – موسوعة الشروق
2-      سيد عويس – قراءة في موسوعة المجتمع المصري
3-      العقاد – سارة
4-      خالد عباس – برج الحمام
5-      مرسي عطا الله – 6 اكتوبر حرب ال 6 سنوات
6-      احمد خالد توفيق – WWW
7-      احمد المسلماني – خريف الثورة
8-      عمر الفاروق عمر – كتاب الأحوال
9-      ابراهيم نافع و اخرون – ماذا يجري في شرق اوروبا ؟
10-  مجلة افاق افريقية – المسألة السودانية الي فين ؟
11-  عمرو عبد السميع – ساعة  عصاري
12-  خالد طوبار – كتاب الزمان
13-  رشاد رشدي – في الفن في الحب في الحياة
14-  طه حسين – اديب
15-  وحيد الطويلة – أحمر خفيف
16-  اشرف الصباغ – مقاطع من سيرة ابو الوفا المصري
17-  احمد فتحي – الحطاب و اميرة القمر
18-  زينب حنفي – سيقان ملتوية
19-  لينين الرملي – هرش مخ
20-  ابراهيم باسم – حب في السعودية
21-  محمد صفوت – الامثال الشعبية
22-  فؤاد قنديل – المفتون
23-  مسيس – يا تلفزيون يا
24-  احمد الدوسري – عصافير الاولين
25-  محي الدين خليفة – اشباح السوق
26-  اسماعيل قدري – جنرال الجيش الميت
27-  هيام عبد الهادي – شارع تحتمس
28-  دولار محمد صابر – المراءة الحنون
29-  علي القحيصي – الكليجا
30-  رجب ابو دبوس – نحو تفسير اجتماعي للتاريخ
31-  محم محمد الجيزاوي – كيف نربي اولادنا
32-  بيتر دادامو – 44 فئات دم
33-  عبد العزيز عبد المعطي – من بلاغة اللغة العربية
34-  فوزية الدريع – الراجل الحيوان (اه و الله اسمه كده)
35-  كولين ماكتفيديا – اطلس التاريخ الافريقي
36-  سمير عبد الباقي – ملامح مصرية
37-  ابو بكر عثمان – في بلاط الدبلوماسية
38-  ماجد يوسف – زي ما اكون عيل مبسوط
39-  مبارك – كلمة السر
40-  هوبكنز – التاريخ الاقتصادي لافريقيا الغربية
41-  عادل وديع فلسطين – يوميات حرب اكتوبر
42-  مادهو ناميكا – الثورة في افريقيا
43-  ابن الجوزي – تحفة المودود
44-  كمال النجمي – يوميات المغنين و الجواري ج1
45-  كمال النجمي – يوميات المغنين و الجواري ج2
46-  عبد الفتاح الدويري – الخيال الحركي في الاد بالنقدي
47-  سيزا قاسم – بناء الرواية
48-  ابن سعد – الطبقات الكبري
49-  احمد سويلم – مجانين العشق العربي
50-  جراهام جرين – تجربة في كتابة الرواية
51-  طالب عبد الرحمن – نحو تقويم جديد للكتابة العربية
52-  مصطفي امين – سنة اولي حب (غير سنة اولي سجن)
53-  نبيل عطا الله – يوميات طبيب و هموم استاذ جامعي
54-  يوسف زيدان – المخطوطات الالفية
55-  صلاح جودة – اشهر الاغتيالات السياسية
56-  ارثر ميللر – ابو المسرح الامريكي
57-  عزة عزت – التحولات في الشخصية المصرية
58-  محمد رياض – نحو خريطة جديدة لمصر
59-  لويس عوض – مذكرات طالب بعثة
60-  هشام الحديدي – فلاح فوق سطح القمر
61-  بيبر بول – كوكب القرود
62-  ميخائيل سودفيانو – البلطة
63-  احمد الشيخ – ارضنا و ارض صالح
64-  رجاء النقاش – في روايتين
65-  احمد الشيخ – حكايات المدندش
66-  محمد كشيك – العشش القديمة
67-  محمد ناجي – لحن الصباح
68-  ديفيد بيكا – الغنيمة و العشب
69-  سلوي بكر – ارانب
70-  عبد الله الطوخي – عينان ع الطريق
71-  محمد فتحي صابر – الطاقة
72-  سلوي بكر – كوكو سودان كباشي
73-  محمد ادم – حجر و ماس
74-  انطوان زحلان – العلم و التربية في اسرائيل
75-  صافي ناز كاظم – رومنتيكات
76-  فتحي غانم – الغبي
77-  سلوي بكر – سواقي الوقت
78-  محمد حمزة سيد الاهل – طفلك المولود و متاعب كل يوم
79-  عبد العظيم انيس – ذكريات من حياتي
80-  محمد ياسر شرف – التصوف العربي
81-  ميللر – اعترافات هنري ميللر
82-  حسين نصار – الاعجاز العلمي في القران الكريم
83-  الانسة مي – باحثة البادية و بنت الشاطيء
84-  محمود عمر الطناحي  - الكتاب المطبوع في القرن ال 19 في مصر
85-  احمد بهاء الدين – و تحطمت الاسطورة عند الظهر
86-  كليف حورنيل – حرب قذرة
87-  محمد الشافعي – صائدو الدبابات
88-  نوران فؤاد – الصوفية في مصر
89-  حسن عز السلام – اخلاقيات الحرب
90-  فاروق خورشيد – في بلاد السندباد
91-  حسين احمد امين – في بيت احمد امين
92-  دار الهلال – اهم مائة كتاب في مصر في مائة سنة ج1
93-  دار الهلال – اهم مائة كتاب في مصر في مائة سنة ج2
94-  يوسف السباعي – بين الاطلال
95-  نجيب محفوظ – شهر العسل
96-  نجيب محفوظ – السكرية
97-  نجيب محفوظ – فصر الشوق
98-  نجيب محفوظ – قشتمر
99-  نجيب محفوظ – العائش في الحقيقة
100-                      نجيب محفوظ – الباقي من الزمن ساعة
101-                      يوسف السباعي – نادية
102-                      السحار – عمر بن عبد العزيز
103-                      سعد مكاوي – القمر المشوي
104-                      ياسر شحاتة – هامبورج
105-                      سارة العليوي – سعوديات
106-                      التكية – حتى القهوة اصابها البرود
ثانيا – الكتب المهداة
1-      احمد خالد توفيق – الحافة
2-      جمال الغيطاني – الزويل
3-      محمد الغزالي  ساديزم
4-      جمال عمر – تغريبة
5-      مكاوي سعيد – فئران السفينة
6-      بهاء عبد المجيد – خمارة المعبد
7-      مجاهد الطيب – قهوة علي مالك
8-      نجيب محفوظ – ليالي الف ليلة
9-      صنع الله ابراهيم – امري كان لي
10-  بلال فضل – ما فعله العيان بالميت
11-  احمد خالد توفيق – يوتوبيا
12-  ميرال الطحاوي – بروكلين هايتس
13-  ساري البدري – قصاصة حرير
14-  سهير المصادفة – لهو الابالسة
15-  محمد جلال – الهلالية
16-  صنع الله ابراهيم – التلصص
17-  رضوي عاشور – فرج
18-  خالد الحسيني – عداء الطائرة الورقية
19-  محمود عثمان – البداية
20-  يوسف ابو رية – ليالي البانجو
21-  صنع الله ابراهيم – ذات
22-  فتحي امبابي – مراعي القتل
23-  حمدي ابو جليل – الفاعل
24-  احمد العايدي – ان تكون عباس العبد
25-  علاء الاسواني – نيران صديقة
26-  خالد الخميسي – تاكسي
27-  خالد البري – نيجاتف
28-  محمد المنسي قنديل – انا عشقت
29-  سهير المصادفة – مس ايجيبت
30-  محمد صلاح العزب – وقوف متكرر
31-  نجيب محفوظ – رادوبيس
32-  صموئيل شمعون- عراقي في باريس
33-  شيرين ابو النجا – خيانة القاهرة
34-  شريف حتاتة – عمق البحر
35-  خيري شلبي – زهرة الخشخاش
36-  خالد الخميسي – سفينة نوح
37-  خيري شلبي – وكالة عطية (يعني وكالتي J )
38-  جمال الغيطاني – الرفاعي
39-  كويلو- ساحر الصحراء
40-  بهاء طاهر – واحة الغروب
41-  سارة جميل – كتاب النهايات
42-  نجيب محفوظ – شهر العسل
43-  نجيب محفوظ – رحلة ابن فطوطة
44-  نجيب محفوظ – اولاد حارتنا
45-  احمد حسن ابراهيم – تحت الرماد
46-  احمد صبري ابو الفتوح – ملحمة السراسوة
47-  يوسف زيدان – ظل الافعي
48-  اسامة انور عكاشة – سوناتا لتشرين
49-  ناصر عراق – العاطل
50-  ابراهيم عيسي – دم علي نهد
51-  سعد مكاوي – السائرون نياما
52-  جمال الغيطاني – وقائع حارة الزعفراني
53-  ارنست همنجواي – العجوز  و البحر
54-  مصطفي ابراهيم – المانيفستو
55-  عبد الرحمن الجبرتي – عجائب الاثار
56-  سمير غريب – السيريالية في مصر
57-  وليم موير – تاريخ المماليك
58-  المقدسي – التوابين
59-  ابي السعادات – روض الرياحين
60-  محمود السعدني – الفضيحة
61-  الجاحظ – تهذيب الحيوان
62-  محمد عبد المنعم – الاسلام و حداثة الشيطان
63-  الهميمي – درر الخطب المنبرية
64-  الحسن الحسيني – اساطير اليهود في التوراة و التلمود
65-  كريم الشاذلي – قرع علي ابواب المجد
66-  محمد حسنين هيكل – العروش و الجيوش
67-  عبد الرحمن الشرقاوي – الحسين ثائرا
68-  انيس منصور – عاشوا في حياتي
69-  علاء الاسواني – لماذا لا يثور المصريين ؟
70-  عدنان عبد الرازق – حول العالم علي دراجة نارية
71-  انور زقلمة – المماليك في مصر
72-  عادل صادق – كيف تصبح عظيما
73-  محمد المخزنجي  - جنوبا و شرقا
74-  احمد امين – قاموس العادات و التقاليد
75-  حمدي ابو جليل – القاهرة شوارع و حكايات
76-  عادل كامل – ملك من شعاع
77-  اميل لودفينغ – النيل حياة نهر
78-  محمد غزالي  - رسالة مفتوحة الي بوتفليقة
79-  ثيري ليجلتون – فكرة الثقافة
80-  ابراهيم عبد المجيد – قناديل البحر
81-  دونالد جودارد – العمليات الاميركية القذرة
82-  اسامة تاليش – سربرتينا
83-  ديل كارنيجي – كيف تكسب الاصدقاء
84-  محمود السعدني – بلاد تشيل و بلاد تحط
85-  سناء  المحمدي – هوامش الفتح العربي لمصر
86-  حسام فخر – حكايات امينة
87-  ثروت الخرباوي – قلب الاخوان
88-  ايهاب معوض – برضه هاتجوز تاني
89-  محمد كامل حسين – قرية ظالمة
90-  نجيب محفوظ – مصر القديمة
91-  احمد رجب – ضربة في قلبك
92-  مصطفي امين – الكتاب الممنوع
93-  جورجي زيدان – المملوك الشارد
94-  جورجي زيدان – احمد بن طولون
95-  بلال فضل – ضحك مجروح
96-  جرجي زيدان – جهاد المحبين
97-  يوسف الشاروني – الزعامة
98-  يوسف معاطي – بنت الايه
99-  جهاد فاضل – فتافيت شاعر
100-                      روجيه جارودي – واقعية بلاضفاف
101-                      احمد العسيلي – كتاب مالوش اسم
102-                      شارلوت برونتي – جين اير
103-                      ديل كارنيجي – اكتشف القائد الذي بداخلك
104-                      حسام مصطفي – يوميات مدرس في الارياف
105-                      محمد عبد الحافظ – امير الصياد
106-                      احمد خالد توفيق – دماغي كده
107-                      صنع الله ابراهيم – يوميات الواحات
108-                      عاصم حنفي – بالطول و بالعرض
109-                      المازني – حصاد الهشيم
110-                      توفيق قاسم – الانسان و الطاقة عبر التاريخ
111-                      الابنودي – مختارات
112-                      توفيق الحكيم – اهل الكهف
113-                      محمد فتحي – ليك شوق في حاجة
114-                      جيرهارد هورز – القراءة السريعة المهنية
115-                      عبد الحميد يونس – مجتمعنا
116-                      هاتشوير – ضغط العمل
117-                      محمود السعدني – بنت حواري
118-                      محمد مستجاب – قيام و انهيار ال مستجاب
119-                      محمد مستجاب – انه الرابع من ال مستجاب
120-                      صلاح جاهين – رباعيات 1
121-                      صلاح جاهين – رباعيات 2
122-                      جمال الغيطاني – اوراق شاب عاش الف عام
123-                      احمد زكي صفوت – عمر بن عبد العزيز
124-                      محمد جلال – عطفة خوخة
125-                      حسن الرزاز – طرق مصر القديمة
126-                      محمود فوزي – اسرار الاقامة
127-                      محمد يوسف عدس – كوسوفا
128-                      محمود السعدني – جنة رضوان
129-                      جيمس هيلتون – الافق المفقود
130-                      محمد قطب – خطيئة تحرير المراءة
131-                      محمد عمر الشطبي – كلمتي
132-                      ه ج ويلز – كيبس
133-                      تشارلز ديكنز – الامال الكبري
134-                      هنري هاجارد – هي و عائشة
135-                      والتر سكوت – ايفانهو
136-                      ديكنز – دافيد كوبر فيلد
137-                      روبرت اونيل – المزيف
138-                      ه ج ويلز – الرجل الخفي
139-                      الكسندر دوماس – الفرسان الثلاثة
140-                      هوميرس - الالياذة


محمد عطية
7 فبراير 2014