الخميس، 25 فبراير 2010

جمال الغجر


موسيقي تكوينك
جوايا تحييني
انفلاتك من جمالك
ف تفانين دلالك
وروحك محاصرة شيء جميل
متفردة انتي
زي الرصاص
زي الخلاص
قدامك انا هش و سعيد
قدامك انا واحد من العبيد
عيونك بتسرح جوايا
تكسر ف قلبي مطرح ما تمر
ولا عمري كنت مر
عاملك قلبي ليكي رحايا
عشانك عاملك ف قلبي تنايا
عشان حنانك جواها يمر
انكسر وتلصميني حتت
تشوفيها بيها عيونك
جوايا شيء مقسوم ليا اشوفه
جواكي شيء مقسوم ليا اعوزه
يا ام التراتيل بتحكى
و تروي وتكتب وتنده
وتسكت و اكتب
اشد الرحال وراكي
فين ما تكوني اكون
حقيقتك خيالي
كياني ظنون
تخنوني ما اخون
لانك من الغجر
والطبع من اللحم
احمر عروقه بتنفض
تحب الحياة
ترتوي و ارتوي
اعطش و اكون
جمالك بيسحر
بيأمر و بينهي
وعليا اني اطيع
جمالك بديع
ومسألش ليه يا ربي
خلقني بحبك خلقني اطيع
و انتي الوحيدة اللي معاها بضيع
محمد عطية
26*2*2010

الجمعة، 19 فبراير 2010

شيء بسيط مختلف


نفس لون العيون
نفس لون الفستان
نفس البياض اللي ف الايدين
نفس السهتنة و طريقة الكلام
اللي شد قلبي ليكي
انك بعيدة عن النجوم و قريبة
انك مملة جداً اوي
بس طيبة
اني حبيتك حب اللمم
حب النور حب الفراشة للهلاك
حب الملاك للملاك
كل التفاصيل نفسها بتكرر نفسها
ف اخر لقا
نفس التعبير البارد
الخالي من التجاويف
اللي زي شيء مخيف
واتقال و بنفس الدلال
بنفس المحبة و الجمال
وهو جوايا خيال
وبنفس البساطة ف التعابير
اني مش شايف اي شيء مثير
ونفسها هي النظرات
اللي من تحت لتحت
أكنه بروفايل جانبي
وصورتك شايفها قدامي
عاشقة الحيا و السما
و الصمت وقت اللقا
والتنهيدة مع طول رموشك
مستبعدة ومحددة المواضيع
الماضي كان و الحاضر كان وانولد
والمستقبل ليكي مع غيري
غير كل اللي كان
كل التفاضيل مدمجة
مرت ف شريط سريع
الحنان كان شيء بديع
مرت ف نفس اللحظة و الثانية
مفتكرش ان رؤياكي استمرت
مفتكرش اني فهمت انتي عاوزة ايه
بنفس اللمم
كأنك صنم
كأن ما بينا جبل و انهدم
كل الاشياء زي ما كانت
كل الاوصاف بالتمام
انتي انا
مفيش تغيير
الا انه كان في
شيء بسيط واحد
صغير مختلف
ان الحنين مبقاش حنين
ولون الدهب ف الدبلة
اللي ف ايديك اليمين
عدتي من جنبي
بنفس الارتباك
وضحكتي و ضحكت
لان الاشياء هي هي
نفسها
ماعدا
شيء بسيط مختلف
محمد عطية
17/02/2010

الاثنين، 15 فبراير 2010

دليل


برشدك من غير دليل

بيومض نوري من نورك

بنكوي بنار حضورك

بستلذ جوايا بغرورك

بحبسك جوايا طير

وأطلقه وقت ما تعوزي

أكونلك ساعات أمير

برشدك لمكاني

يألمني ألم ألمك قبل كده

عندي انتهي وعندك ابتدا

مكنش واضح دوري أيه

غيري اني ابقي ضوء

مخدتش بالي من الفروق

كان دوري انورلك الطريق

اكونلك واضح صريح

بساط مريح

انا الطريق و الوسيلة

والطير و القفص و الرفيق

انا السجان والمسجون

الاعمى اللي من غير عيون

برشدك انا اللي على البر

وانا الغريق

مكانك مكاني

سحري ف كلامي

مش بنتمي لأي شئ

غير اليكي

كل الحاجات ف الآخر

متجمعة بتساويكي

مش مندهش

مفيش وخز منك ف العيون

مفيش سحاب مفيش غيوم

مهما كان الطريق ولا الرفيق

ولا الحاجات السهلة ولا الصعب

دوري اني أبينلك أنورلك

أدلك على الحاجات اللي جوايا

منك ادلك وتعيشي بيا

ولو ترياقي من سمكِـ



محمد عطية

15/02/2010


الأحد، 14 فبراير 2010

طريقة مملة للحياة


نفس اللي حصل

بيحصل من جديد

هي هي نفس الوشوش

نفس اللي اتقال من قبل كده

نفس التلامة اللي في البني ادمين

نفس الضحك اللي من ورا القلوب

نفس المميزات ونفس العيوب

نفس الوان الخشب

نفس النفوس نفس الحطب

الجديد هو اللي هيحصل بكرة

ربما

بكره مش بعيد

احنا بنعيد

حياتنا دايرة ليها نقطة بداية واحدة

نقطة نهاية واحدة

نفس التلامس و العبوس

التلاقي ف نفس النقط

هي نفسها اماكن الخبطات

روحك اللي ف الجنبات

نفس الطريق نفس الصديق

حتى نفس نوع المطر

ونفس اوراق الشجر

اللون الازرق للسما

واللون الاسود للعما

نفس الحياة بنفس الملل

نفس الجبال نفس التلال

هو هو نفس الخلل

نفس العيب و نرجع نكرره

مينفعش انك تغيره

هو القدر و النصيب

محدش بيعرف الغيب

بس المشكلة انه بيكرر

نفسه ف نفس المنحنى


محمد عطية

13/2/2010

السبت، 13 فبراير 2010

شخص للبيع


من غير فلسفة ولا مقدمات

في شخص معروض للبيع

اعتبره حي حتى لو هو مات

يحب القديم ويحب الجديد

بس هو مش من العبيد

ولا عنده علامة

تميزه عند الوريد

البيع ف مزاد

لأنه ف حالة كساد

ووخم وانطواء

وبيحب يكتب شعر

ولأعلى سعر

ومن غير سمسرة

وبهدوء ومن غير شوشرة

الامانة ديه شعار

وهو ليه اعتبار

اما الصفات فمثقف و شاعر

وبياخد جوايز

قرأ كتير و أشتري

حياته حاليا منحنى

قرا ف الفلك و تاريخ من أمتلك

صفاته طويل حويط

يحافظ على الاسرار لطيف معشره

كأنه من التجار

يحفظ السر و يودك

حتى ولو انت دون

مالك حققلك الظنون

عاوزه يقول .... يبدع يقول

عاوزه يسكت ينخرس

هو للبيع لأعلى سعر

ومن غير فصال ولا وصال

وبضمان الادب و التربية

مع حقك ف المطالبة بالايصال

صوته واطي عند اللزوم

ملاك لو انت عاوز كده

وشيطان لو حابب انت كده

يتلون و يحبك

يمدحك و ف سره يلعنك

مع امكانية انك تشكله

وكل ده و بالسعر الحقيقي

عرض و ياريت تلحقه

صدقوني انا للبيع

بس المهم انتو تصدقوا

محمد عطية

11/2/2010

الخميس، 11 فبراير 2010

المعرض من جديد 2010




by Mohamed Ateaa on Thursday, February 11, 2010 at 1:41am ·
الاماكن و اسماء الكتب
*
مكتبة الاسرة
-
بيتر بنشلي ، الجزيرة
-
محمد عمارة ، رسائل العدل و التوحيد ، مجلدان في كتاب واحد
-
ابو حامد الغزالي ، فضائح الباطنية
-
تيد انتون ، العلم الجسور سبعة علماء يغيرون عالمنا
-
وائل غالي ، تاريخ العلوم العربية (ارهقني حمله)فعلا
-
عبد الرحمن الابنودي ، مختارات من الاعمال
-
ابن ابراهيم الغرناطي ، الاعتصام
-
السيد ياسين ، اعادة اختراع السياسة من الحداثة الي العولمة
-
يوسف القعيد ، قطار الصعيد
-
علاء الديب ، وقفة قبل المنحدر
-
بهاء طاهر ، نقطة النور
-
ابراهيم اصلان ، خلوة الغلبان
-
ماجد يوسف ، رباعية القاهرة
*
مكتبة مصر
-
مختصر كتاب كليلة ودمنة بسعر 5ج
-
القصص للحكيم ايسوب بسعر 2ج (رائع) جدا
-
الامام ابي حامد الغزالي ، احياء علوم الدين ، 5 مجلدات بسعر 35ج الشكر لاحمد الديب جدا
*
دار اخبار اليوم
-
موسوعة الامثال العامية
*
الهيئة العامة
-
فورستر ، اركان القصة
-
فوزي فهمي ، تخريب العالم
-
كانط ، مشروع للسلام الدائم
-
سويف ابو ريه ، تل الهوي
*
دار الهلال
-
خيري شلبي ، كتب وناس
-
رضوي عاشور ، اطياف
-
حمدي البطران ، خريف الجنرال
-
خيري شلبي ، صهاريج اللؤلؤ
-
مريد البرغوثي ، رايت رام الله
-
محمد المنسي قنديل ، قمر على سمرقند
-
يوسف زيدان ، ظل الافعي
-
اميل حبيبي ، الوقائع الغريبة في اختفاء سعيد ابي النحس المتشائل
-
محمد عفيفي ، ترانيم في ظل تمارا
-
جمال الغيطاني ، نوافذ النوافذ
-
علاء الديب ، عيون البنفسج
-
باولو كويليو ، السيميائي ساحر الصحراء
تعطي دار الهلال خصم قيمته 20% ومبتاخدش فيزا
انتهي

الأحد، 7 فبراير 2010

معرض الكتاب 2010



معرض الكتاب 2010
by Mohamed Ateaa on Sunday, February 7, 2010 at 12:56am ·
الاماكن و الكتب
*
مكتبة الاسرة
-
جمال الغيطاني ، كتاب الاسفار
-
عبد الفتاح الجمل ، محب
-
امين ريان ، حافة الليل
-
جوزيه ساراماجو ، الأخر مثلي
-
خيري شلبي ، موال البيات والنوم
-
سحر الموجي ، الهة صغيرة
-
سحر توفيق ، رحلة السمان
-
السيد ياسين ، الدولو الفلسطينية رؤية مستقبلية
-
يوسف زيدان ، حي بن يقظان
-
توفيق محمد قاسم ، أحاديث في العلم
-
السيد محمد رشيد رضا ، الاعتصام كتاب من التراث
*
مكتبة مصر
-
نجيب محفوظ ، بيت سئ السمعة
-
نجيب محفوظ ، اللص و الكلاب
-
نجيب محفوظ ، الطريق
-
نجيب محفوظ ، ملحمة الحرافيش
-
سعيد جودة السحار ، موسوعة الف ليلة وليلة .السعر بعد الخصم للمجلدات الاربعة 38.5جنية
-
يوسف ادريس ، اخر الدنيا
-
يوسف ادريس ، عن عمد اسمع تسمع
-
احمد حسن الباقوري ، على امام الائمة
*
جناح دولة الكويت
-
على شلش ، الادب الافريقي سلسلة عالم المعرفة
*
الهيئة العامة للكتاب
-
كينيث بولدنج ، مغزي القرن العشرين
*
جناح دولة السودان
-
عبد الرحمن احمد ابو خريس ، قضايا افريقية
-
محبات امام الشكري ، الوجود الاسرائيلي و العربي في افريقيا
*
سور الازبكية . مكتبة دار الحسن . حربي حسن
-
نجيب محفوظ ، اولاد حارتنا
-
علاء الاسواني ، شيكاجو
-
خيري شلبي ، وكالة عطية
-
خيري شلبي ، صحراء المماليك
-
جمال الغيطاني ، متون الاهرام
-
محمد المخزنجي ، البستان
-
محمد كمال حسين ، قوم لا يتطهرون
-
محمد صلاح العزب ، وقوف متكرر
-
طاهر شاش ، مفاوضات التسوية النهائية
الاسعار تقترب من 35% من سعرها الاصلي في دور النشر
*
المؤسسة العربية الحديثة
-
د/ احمد خالد توفيق ، اسطورة الطفيل .... الي الشمال ....الصيادون

الحياة




الحياة مش لعبة بايخة
ولا أسطوانة بتكرر نفسها
لا أنت حاببها
ولا أنت كاره همسها
مش هتلعبها ولما تخسر
وتجيب جيم اوفر
تزهق وتلعبها من جديد
أعصابك مش من حديد
الحياة بجد ثواني
ولأنه مينفعش ميبقاش ف أمل
و لأن ده شيء مش محتمل
ألواح التلج اللي جواك
لازم تدوب
مش دايما الشمس
تحب حالات الغروب
مش معني أنك فشلت
أنك تصهين وتقول كان يا دوب
متبردش حياتك
و تألم اللي حواليك
لأنك مندفع
ولأنك مش مقتنع
مش كل حاجة بتأثر
ومش كل حاجة بتخسر
الكلام حروف
والاحساس نغم
واللي بيتألم من لا
أكيد بيرتاح من نعم
الحياة نعمة مع انها برضك ألم
مترضخش للوهم اللي فارض
قيوده فيك
اللي أنت مش مستحمله
يمكن تكون حابب ده
بس جواك مش متقبله
جواك نفس بتلوم
بس يا شاطر
مين هيعلمك العوم
لازم تبص لفوق
لازم تختار الطريق
خليك دبلوماسي
خليك ف حياتك أساسي
متبقاش حيادي
المهم تعيش
تنفرد تتني
تعطش تتروي
تسكت
أو يجري جواك بحر الكلام
قول كل اللي نفسك فيه
أنت مش عايش لوحدك ف الحياة
في الف أيد
أنت مش من العبيد
رن الجرس
راح الخرس
الوقت مر مكان ما بيمر
صدقني أنت احلى حاجة
ليك ف العمر

محمد عطية
07/02/2010