رغم المثول والتهويل
و أن هودج غنايا لسه مجاش
وغنايا يرويكي و يغنيكي
بجد مش مستحمل
القرب قرَب بس أنتي بعيد
الصدفة نفسها فيكي
والدم اللي ف الوريد
وانا دايب
فيكي مبكتملش بس ببتسم
جواكى روحى تنقسم
ومن الوانك أتخط و أترسم
يا أم الدلال و الانفعال
السر ف التكوين أن شعري
مبينكتبش غير ليكي
فكرت أني استرد روحى منك
يا منايا
بس شايف ان كده أحسن كده أجمل
أيه أجمل منك وانت بتغنيلي
وف حلمى عيون القلب
تاخديني ف حضنك الدافى
وشعرك مفرود على كتافي
يا أم شال أبيض متعصبة بيه
و أم خلخال وردي
أموت و أبقي أنا من ورده
أو أنه يضيع منك وأنا الاقيه
بثبات وانتي بترقصي
مدوخيش مني وأنتي بتهمسي
مش ناوي ان أكون لك ملاك
ولا انا رافض للهلاك
يا سحر مستخبي ف العيون
ليه قلبي بيتنفض لما أشوفك
و أنتي شايفة كده
ليه مش بتشوفيني وانا شايفك زي الضي
يا عنبر روحي مسكك زاد وغطى
بجد غناكي فاق الحد
يا أم الصيف زهر و زمهرير و سلسبيل وعيدان ريحان
علموني عينيكي معنى الارتباك
محمد عطية
31/10/2009
ليست هناك تعليقات:
إرسال تعليق